طريقه عمل المحشي

طريقه عمل المحشي

 المحشي  وجماله وحلاوته في الاكل من الذ واجمل الاكلات المفضله عند المصريين وحتي غير المصريين الاكله دي محبووبه جدا بكل انواعه بقا  محشي بتنجان ومحشي الكرنب ومحشي ورق العنب ومحشي الخس و الفلفل كل الانواع الجميله دي محدش بيختلف علي اكلها  ماتيجوا نعرف الطريقه

هنبدا بطريقه عمل محشي الكرنب

* كيلو طمااطم
* كيلو رز
*  كميه حلوه من الشبت والبقدونس والكسبره
* رشه جوزه الطيب مع الملح والفلفل والكمون والشطه
* 4 بصلات  و4 معالق سمنه وزيت  و 5 فص توم  وجزره مبشوره

 طريقه عمل المحشي

* طبعا هنسلق الكرنب الاول ونقطعه بالطول والحجم الصغير اللي هنحشي بيه

*  هنقطع البصل صغير اوي بالسكينه ونكون حاطين الزيت ف طاسه ولما يسخن اوي نحط البصل

* لما البصل لونه يبقا دهبي ويحمر هنحط عصير الطماطم وعليه فصين توم متقطع ونضيف كل بهارتنا الجميله

* ونقطع الشبت والبقدونس والكسبره قطع صغيره اوي بالسكينه ولما الصلصه تتسبك هنحط الخضار اللي قطعناه  وكمان الجزره المبشوره

* طبعا نكون غاسلين الرز ونضيف عليه 3 فصوص التوم ومتقطعين صغييير جدا ونضيف الكمون للرز وكل الخلطه بتاعتنا المتسبكه علي الرز  ونقلب كويس جدا

*  نبدا بقا في لف المحشي وياريت نرص في الحله طرنشات طماطم وبصل وتوم  ودووووووووووووق اجمد طعم في حياتك للمحشي

• غرّد
• شارك
• شارك
• شارك
• شارك