طريقه عمل الباميه

طريقه عمل الباميه

انا عن نفسي بعشق الباميه وكمان متسبكه وبفنن في عمايلها زي ما في ناس كتير بتعملها بطرق مختلفه في ناس بتحبها ويكا  لكن الاكتر بنحبها الطريقه المتسبكه بالتوم والصلصه وبتتاكل بقا بالرز والشعريه او بالعيش والمخلل زي مانت تحب تاكلها  ماتيجوا نشوف الطريقه 

المكونات 

1- نص كيلو باميه 
2- نص كيلو لحمه 
3- نص كيلو طماطم 
4- 4 قرن فلفل حامي وبارد 
5- 10 فص توم 
6- ملح وفلفل وكمون 
7- 2 معلقه سمنه
8- ورق لوري وبهارات لحمه 

 طريقه عمل الباميه

1- هنشوح اللحمه في سمنه وتوم وبهارات ولما تتشوح ولونها يتحول نضيف ليها المياه المغليه ونضيف الورق اللوري والبهارات  ولما تتسلق نسيبها علي جمب
2- هنسخن مياه ونسلق فيها الباميه ونسيبها تصفي 
3-  هنقطع البصل ونحمره ونضيف عصير الطماطم والبهارات الحلوه ونسيبه لحد مايتسبك 
4-  نضيف بقا الباميه علي الصلصه وعليها اللحمه ونسيبهم يكملوا سوا مع بعض ونحط عليهم شوربه اللحمه تسويهم       وبالف هنا وشفا

• غرّد
• شارك
• شارك
• شارك
• شارك