طريقه عمل الجمبري
الجمبري من اشهي واحلي الماكولات البحريه الاكله دي بتتميز بسعرات حراريه عاليه وفوايد كبيره لانها بتحتوي علي كميه كبيره من الكالسيوم والفوسفور والبروتين ده غير طبعا انها لذيذه في الاكل وبتتعمل باكتر من طريقه مقلي او مشوي او بشوربه الجمبري بالكريمه حاجه روعه في اكلها ماتيجوا نشوف طريقه عمل الجمبري
المكونات
1- كيلو جمبري كبير او وسط
2- ربع كوب عصير ليمون
3- ثلات معالق صلصه صويا
4-ملعقة واحدة كبيرة من زيت الزيتون
5- أربعة فصوص متوسطة الحجم من الثوم المهروس
.6-عودان من البصل الأخضر المقطّع إلى شرائح
7-قطعة واحدة صغيرة الحجم من الزنجبيل المقشّر.
8-عشرة أعواد من الشبت.
9-عشرة أعواد من البقدونس الطازج.
10- قرن واحد من الفلفل الأخضر الحارّ.
11-ملعقة صغيرة من الشطّة المطحونة. ملعقة صغيرة من بهار الكمّون. ملعقة صغيرة من الكزبرة
12- ملح وزيت للقلي وفلفل اسود
عجينه الجمبري
1- كوب دقيق ابيض
2-معلقه صغيره بيكنج بودر
3-نص معلقه ملح
4-كوب ماء متلج مضاف عليه بابريكا
طريقه عمل الجمبري
1- تقشير الجمبري مع الحفاظ علي الذيل سليم وطبعا هنشيل الخيط الاسود اللي بيكون في الضهر
2- هنجمع بقا كل الجمبري في طبق واحد ونغسله كويس اوي ونصفيه
3- هنضيف عصير الليمون مع صلصه الصويا والشطه والفلفل وكل المكونات في الخلاط ونضربها بسرعه متوسطه لما نحصل علي خليط ناعم وسايل
4- نغلف بقا كل الجمبري الحلو ده بالخلطه بتاعتنا ونسيبه بقا نص ساعه في التلاجه يشرب التتبيله
5- ناخد بقا عجينه الجمبري دي ونخلطها مع بعض الدقيق والملح والبيكنج بودر والماء المتلج ونقلب بالشوكه كتير اوي عشان مايحصلش اي تكتلات
6- هنسخن الزيت علي النار
7- نطلع الجمبري من التلاجه ونغطسه في العجينه كويس ونغلفه ونضعها في الزيت واحده بواحده
8- نطلعه بقا من الزيت علي مناديل ورق ويتقدم معاه سلطه ورز وخضار مشوي وبالف هنا
0 التعليقات: